ایس آئی ایف سی اور عالمی بینک کا اشتراک، کاروباری اصلاحات کے ذریعے سرمایہ کاری کا فروغ

پاکستان کے معاشی منظر نامے میں آخر کیا بڑی تبدیلی آنے والی ہے؟ ملکی اور غیر ملکی سرمایہ کاروں کے لیے ایس آئی ایف سی کی زیرِ نگرانی ایک خاموش مگر غیر معمولی پیش رفت کا آغاز ہو چکا ہے۔ اسی سلسلے میں سیکریٹری ایس آئی ایف سی اور عالمی بینک کے وفد کے درمیان ایک انتہائی اہم ملاقات ہوئی، جس میں "آسان کاروبار فریم ورک" اور "پاکستان بزنس پورٹل" کے ذریعے پرانے کاروباری شکنجوں کو توڑنے پر سنجیدہ گفتگو کی گئی۔ عالمی بینک نے اس جامع حکمتِ عملی کو سراہتے ہوئے مکمل تعاون کی یقین دہانی تو کرا دی ہے، لیکن اصل امتحان اب شروع ہوگا۔ ان اصلاحات کا حتمی مقصد پیچیدہ ضابطوں اور تعمیلی بوجھ کو ختم کر کے ملک میں کاروباری سرگرمیوں کو ہر سطح پر آسان ترین بنانا ہے۔

News Source: Express News