اداکارہ نوال پرویز ملک نے زندگی کے نئے سفر کا آغاز کردیا

پاکستان ٹی وی انڈسٹری کی ابھرتی ہوئی اداکارہ نوال پرویز ملک نے زندگی کے نئے سفر کا آغاز کردیا۔ انہوں نے سوشل میڈیا پلیٹ فارم پر اپنے نکاح کی سادہ اور پروقار تقریب کی خوبصورت تصاویر شیئر کرکے مداحوں کو یہ خوشخبری سنائی۔ تصاویر میں ان کے شریک حیات رضا بھی موجود ہیں جنہوں نے آف وائٹ رنگ کا کرتا اور اسی رنگ کی کڑھائی والی ویسٹ کوٹ پہن رکھی ہے جبکہ دلہن نے سلور اور ہلکے سنہری رنگ کا بھاری کڑھائی والا خوبصورت عروسی لباس زیب تن کیا۔ اداکارہ کے نکاح کی سادہ تقریب میں صرف خاندان کے قریبی افراد اور دوستوں نے شرکت کی جس کی خوبصورت تصاویر سوشل میڈیا پر توجہ کا مرکز بنی ہوئی ہیں۔ مداحوں اور شوبز شخصیات کی جانب سے نوال پرویز ملک کو زندگی کے اس نئے اور خوبصورت سفر کے آغاز پر مبارکباد اور نیک تمناوں کے پیغامات بھیجے جا رہے ہیں۔

News Source: Express News