ایشین گیمز: اے سی سی کے صدر محسن نقوی فائنل دیکھنے نہیں جائیں گے

ایشین کرکٹ کونسل کے صدر محسن نقوی ایشین گیمز کرکٹ ایونٹ کے فائنل میں موجود نہیں ہوں گے۔ ایشین کرکٹ کونسل کے مطابق محسن نقوی پہلے سے طے شدہ مصروفیات کے باعث ایشین گیمز کے فائنل کے روز شرکت نہیں کر سکیں گے۔ صدر ایشین کرکٹ کونسل نے میڈل کے مقابلوں میں شریک تمام ٹیموں کے لیے نیک خواہشات کا اظہار کیا ہے۔ کل روایتی حریف پاکستان اور بھارت کی ٹیمیں صبح ساڑھے 9 بجے گولڈ میڈل کے حصول کے لیے آمنے سامنے آئیں گی، جبکہ اس سے قبل صبح 5 بجے بنگلادیش اور سری لنکا کی ٹیمیں برانز میڈل کے لیے مدمقابل ہوں گی۔

News Source: Express News