حکومت کے لیے الٹی گنتی شروع، کیا وزیراعظم اپنا وعدہ پورا کریں گے یا اسلام آباد کا گھیراؤ ہوگا؟ جماعت اسلامی نے بڑا سیاسی پتا شو کر دیا۔ نائب امیر جماعت اسلامی لیاقت بلوچ نے میڈیا پر گردش کرنے والی خبروں کو یکسر مسترد کرتے ہوئے اصل کہانی بے نقاب کر دی۔ انہوں نے دو ٹوک الفاظ میں واضح کیا کہ امیر جماعت حافظ نعیم الرحمان نے پیٹرولیم لیوی میں محض 35 سے 40 روپے کمی نہیں، بلکہ ٹیکسز کے نام پر غریب عوام پر لادے گئے 130 روپے سے زائد کے بھاری بوجھ کا مکمل خاتمہ مانگا ہے۔ انہوں نے خبردار کیا کہ ایک سوچے سمجھے ایجنڈے کے تحت غلط بیانی کی جا رہی ہے، جبکہ جماعت اسلامی گزشتہ ڈیڑھ ماہ سے اس کھلی بھتہ خوری کے خلاف سڑکوں پر ہے۔ اب سب سے بڑا سسپنس یہ ہے کہ وزیراعظم کی کال پر سامنے رکھے گئے اس بڑے مطالبے کا کیا بنے گا؟ وزیراعظم نے وطن واپسی پر تاریخ کے سب سے بڑے ریلیف پیکج کی یقین دہانی تو کرا دی ہے، لیکن کیا وہ اپنا وعدہ نبھائیں گے؟ لیاقت بلوچ نے حکومت کو کٹہرے میں کھڑا کرتے ہوئے واضح انتباہ دے دیا ہے کہ اگر وعدہ وفا نہ ہوا تو ملتان سے اسلام آباد کی جانب ایک طوفانی سپر مارچ شروع ہوگا جسے روکنا اقتدار کے ایوانوں کے بس میں نہیں ہوگا۔
News Source: Express News