لاہور میں کوڑا پھینکنے والوں کے خلاف سیف سٹی کی مدد سے کارروائی کا آغاز، پانچ لاکھ روپے تک جرمانہ

لاہور ویسٹ مینجمنٹ کمپنی (ایل ڈبلیو ایم سی) اور سیف سٹی اتھارٹی نے صوبائی دارالحکومت میں کوڑا پھینکنے کے خلاف اس ہفتے مشترکہ کارروائی شروع کرنے کا فیصلہ کیا ہے، جس کے تحت قوانین کی خلاف ورزی کرنے والوں کو پانچ لاکھ روپے تک جرمانہ کیا جائے گا۔ ایل ڈبلیو ایم سی کے چیف ایگزیکٹو آفیسر شہریار خان نے بتایا کہ عوامی مقامات پر کوڑا پھینکنے والے افراد کی شناخت کے لیے سیف سٹی کے کیمروں کا استعمال کیا جائے گا۔ خلاف ورزی ثابت ہونے پر قانونی کارروائی عمل میں لائی جائے گی۔

News Source: Express News