اسلام آباد ریسکیو 1122 اور فایر بریگیڈ کے لیے سترہ برس کے طویل عرصے کے بعد اکیس نیی گاڑیاں کراچی پورٹ پہنچ گیی ہیں۔ یہ تمام نیی گاڑیاں چین سے پاکستان منگوایی گیی ہیں۔ وفاقی وزیر داخلہ محسن نقوی نے کراچی پورٹ کا دورہ کیا اور اسلام آباد ریسکیو اور فایر بریگیڈ کے لیے آنے والی نیی گاڑیوں کا معاینہ کیا۔ اس موقع پر انہیں نیی گاڑیوں اور ان کی کارکردگی کی صلاحیتوں کے حوالے سے تفصیلی بریفنگ دی گیی۔ بریفنگ کے دوران بتایا گیا کہ یہ نیی ریسکیو گاڑیاں آیندہ پانچ دنوں کے اندر کراچی سے اسلام آباد پہنچ جاییں گی۔ ان گاڑیوں میں چار فایر ایریل ٹرک، چھ فایر ٹاورز اور پانچ فایر ٹینکس شامل ہیں۔ یہ جدید ریسکیو گاڑیاں تمام جدید ترین آلات سے لیس ہیں اور یہ دو سو چھپن فٹ کی بلندی تک ریسکیو آپریشن کرنے کی بھرپور صلاحیت رکھتی ہیں۔ وفاقی وزیر داخلہ محسن نقوی نے اس موقع پر گفتگو کرتے ہویے کہا کہ اسلام آباد ریسکیو اور فایر بریگیڈ کے لیے ان نیی گاڑیوں کی پاکستان آمد انتہایی خوش آیند ہے۔ انہوں نے مزید کہا کہ بیڑے میں ان نیی گاڑیوں کی شمولیت دو ہزار نو کے بعد سے اب تک کا سب سے بڑا اضافہ ہے۔ وفاقی وزیر داخلہ نے چینی حکومت کا شکریہ ادا کرتے ہویے کہا کہ ہم ان گاڑیوں کی جلد فراہمی پر حکومت چین کے مشکور ہیں۔ انہوں نے بتایا کہ یہ جدید ریسکیو گاڑیاں دارالحکومت اسلام آباد کے چھ مختلف اسٹیشنوں پر ہر وقت موجود رہیں گی۔ اس دورے کے موقع پر چیف کلکٹر کسٹمز اپریزیمنٹ ساوتھ، کلکٹر اپریزیمنٹ ایسٹ، ایڈیشنل کلکٹر اپریزیمنٹ ایسٹ، چییرمین کیپٹل ڈویلپمنٹ اتھارٹی و چیف کمشنر اسلام آباد، ڈایریکٹر کیپٹل ڈویلپمنٹ اتھارٹی اور نیشنل لاجسٹکس سیل کے نمایندے بھی موجود تھے۔
News Source: Express News