جاپان میں جاری بیسویں ایشین گیمز کے بارہویں روز بدھ کو دفاعی چیمپئن چین دو سو ستتر میڈلز کے ساتھ سرفہرست رہا، چین کے میڈلز میں ایک سو اکاون گولڈ، سڑسٹھ سلور اور اننساٹھ برانز میڈلز شامل ہیں، پچاس گولڈ، ستتر سلور اور تہتر برانز میڈلز کے ساتھ دوسری پوزیشن پر فائز جاپان نے اپنے تمغوں کی ڈبل سنچری مکمل کر لی۔ تیسری پوزیشن پر براجمان ہونے والے جنوبی کوریا کے ایک سو تین میڈلز میں چوبیس گولڈ، تیس سلور اور اننچاس برانز میڈل شامل ہیں، ازبکستان چونتیس میڈلز کے ساتھ چوتھے نمبر پر ہے جن میں سولہ گولڈ، انیس سلور اور اتنے ہی برانز میڈل شامل ہیں۔ پانچویں پوزیشن پر آنے والے تھائی لینڈ نے بارہ گولڈ، دس سلور اور بارہ برانز میڈلز جیت کر اپنے تمغوں کی تعداد چونتیس کر لی، چھٹی پوزیشن پر موجود ایران کے تمغوں کی تعداد انتالیس ہوگئی ہے لیکن ایران نے گیارہ گولڈ، سولہ سلور اور بارہ برانز میڈل جیتے ہیں، بحرین اکیس میڈلز کے ساتھ ساتویں نمبر پر ہے جن میں گیارہ گولڈ، پانچ سلور اور اتنے ہی برانز میڈل شامل ہیں۔ بھارت دس گولڈ، اکیس سلور اور اننساٹھ برانز میڈل کے ساتھ ساٹھ تمغے پا کر آٹھویں پوزیشن پر موجود ہے، نویں نمبر پر موجود قازقستان کے میڈلز کی تعداد چھپن ہے، ان میں نو گولڈ، سولہ سلور اور ایکتیس برانز میڈل شامل ہیں، دسویں پوزیشن پر براجمان ہونے والے شمالی کوریا نے سات گولڈ، چھ سلور اور سات برانز میڈل کے ساتھ بیس تمغے حاصل کر لیے۔ پاکستان تمغے جیتنے والے ممالک کی دوڑ میں چونتیسویں نمبر پر ہے، پاکستان نے اب تک چھ برانز میڈل حاصل کیے ہیں، پینتیسویں پوزیشن پر موجود کمبوڈیا نے چار برانز میڈلز جیتے ہیں جبکہ نیپال دو برانز میڈلز کے ساتھ چھتیسویں پوزیشن پر ہے، چار ممالک بنگلہ دیش، برونائی، لاوس اور شام ایک ایک برانز میڈل جیت کر مشترکہ طور پر سینتیسویں نمبر پر ہیں، ایشین ریفیوجی ٹیم، بھوٹان، مالدیپ، تیمور لیسٹے اور یمن اب تک کوئی میڈل نہیں جیت سکے۔
News Source: Express News